[ندعوك للتسجيل في المنتدى أو التعريف بنفسك لمعاينة هذا الرابط]انا مين
واحد ولا اتنين
فرحان ولا حزين
انا مين
الخير ولا الشر
مرايه الحياة توهتني
ضيعتني
ابص فيها الاقي نفسي مش لاقيني
ضاعت سنيني ضاعت ايامي
انامين انا بجد مش عرفاني
راحت فين ضحكه ايامي
راحت فين احلامي
تاهت مني ولا انا اللي توهت منها
سبتني ولا سبتها
كرهتني ولا كرهتها
انا مين
قلبي مات ولا هو مجرد حزين
قلبي انجرح ولا هو اللي جرح
ايه نهايه سكتي
ايه نهايه دمعتي
مرايه الحياة قسمتني اتنين
مش عارفه متشابهين ولا هما مختلفين
ليه الناس مش فاهماني ليه مش حساني
حتي حبيب احلامي سابني واتري الدنيا مش سيباني
رجعتني تاني لاحزاني رجعتني تاني لدمعه ايامي
موتت ضحكتي وبردو لسها مش نسياني
انامين
تاهت خطايا تاهت وتوهت انا معاها
تاهت واهي مش راجعه تاني
ترجعلي والاحزان فاكراني
ترجعلي وانا خلاص بقيت انسان تاني
خايف ابقي اناني والناس حباني
خايف اظلم حد تاني
كفايه انا ظلماني
ايه هو سبب احزاني انا ولا الدنيا الا مش سيباني
الدنيا بتحبني ولا انا اللي كرهتني
انا يمكن انساني لكن ازاي انسي حبيب اتمنيته وجاني
جاني فمليته دموع واديته من احزاني
انا حبيته ولايمكن اني احب حد تاني
حبيته واذيته واخدت من فرح قلبه ورجعته للحزن من تاني
زودت دمعه بدل ما اخفف همه
زودت دمعه بقرار البعد عنه
قرار خلاني شخص تاني
شخص قاسي
بس مش اناني
موت قلبي عشان يعيش قلب تاني
ياتري هارجع للحياة من تاني
ولا خلاص انساني هو دا الحل ومافيش حل تاني
اتمني تقولولي رايكم بجد في الكلمات دي ايه لانها نابعه من احساسي وانا اقبل اي تعديل
موضوع: ايه الحكايه انا مين ؟؟؟؟؟؟؟؟؟؟؟؟؟؟؟؟ 
الخميس 27 نوفمبر - 21:38
