حبيبي
ايه غيرك
انا مش زعلان منك
ولا بعتب عليك
انا بعتب علي زمن
مركبه ملهاش مراسي
كل ما تطول الرحله
والاقي من بعيد
شاطىء جزيره مديد
واحس بالامان
واقول خلاص هنرسي
ونعيش حياه سعيده
كل ما اقرب منه
الحلم يبعد ويبعد
في الاخر الاقيه سراب
اول مره شوفتك
حسيت احساس غريب
حسيت بالامان
واني مش وحيد
وقولت خلاص يا دنيا
زمن الوحده انتهي
ولقيت شط الامان
حبيبي اللي هيحميني
من غدر الزمان
ويخاف عليا ومعاه انسي
كل سنين الألام
وعشت احلي سنين
مع ملاك في صورة انسان
وأتاري الدنيا غداره
ما خلصهاش اني اكون فرحان
حبت تاخد مني
اعز انسان
ورجعت تاخدني تاني
علي شاطىء الاحزان
اركب مركبي واسافر
مركب الاحزان
تمشي في ليل وظلام
لو طلع عليها الفجر
بيكون رعد وغيوم
أدور علي مرسي
ويفيد بايه ان ارسي
والبحر كله احزان
هسافر وهرجع تاني
أدور عليك يا حبيبي
ده انت هتفضل عندي
أغلي من حياتي
انا مش زعلان منك
انا كل اللي صعبان عليا
احساسي بالغربه من غيرك
كان نفسي تفضل جنبي
نقاوم الزمان
ولا اعيش لحظه من غيرك
في دنيا ملهاش امان
فاكر يا حبيبي احلامنا
كنا بنكملها من بعضنا
كنت احب اللي تحبه
واكره اللي تكرهه
واتمني تفضل جنبي
ولا لحظه تاخدك مني
حبيبي
ايه غيرك
موضوع: حبيبي ايه غيرك 
الثلاثاء 11 نوفمبر - 8:30
