تحليل جزئى لكل اغانى البوم ناويها 2008 .

بسم الله الرحمن الرحيم

طبعا الحمد الله الالبوم مكسر الدنيا

دى يا جماعة تحليل جزئى لكل اغنية من اغانى الالبوم من حيث

التلحين والتوزيع والكلمات

طبعا دة مش كلامى انا

دة كلام الناس الى بتفهم فى الميوزك

يلا نقرا مع بعض

1- ( أكتر من الدنيا )
جاء التوزيع متواضع من توما
فى الفواصل الموسيقية بين الكوبليهات
اما باقى التوزيع كان جميل جدا
لحن الكوبليهات كان جميل من محمد يحي
اكتر ما شدني فى التوزيع
- الطبلة اللي واخده الاستايل الهندي
- الدرامز اللي كان واخد الشكل العسكري
و المزج بينها و بين ال Clap
من وجهة نظري اللي بوظ التوزيع الفواصل
اللي وضعها توما بين الكوبليهات

2- ( حبيبي لو زعلان )
ال Beat المستخدم من تميم كان مشابه بعض الشئ
لأحدى اغاني Justin من توزيعات Pharrel
بس بصراحة مش فاكر اسم الأغنية
بخلاف كده ال Beat كان جميل جدا
خطوط الكمنجات و الجيتار كانت جميلة بطول الأغنية
اكتر شئ عجبني فى اللحن
النهاية اللحنية لكل كوبلية
و الانتقال من ال Beat السريع الى ال Beat الهادئ
جاء استخدام الناي موفق من تميم

3- ( ناويها )
التوزيع كان رائع
و فكرني ب التوزيعات القديمة للموزعين فى اواخر ال الثمانينات و اوائل التسعينات
و ب الاخص ميلودي الكيبورد و الجيتار و ال Clap ( الصقفة اياها )
كوبليهات الاغنية جميلة جدا و جديدة على اذن المستمع من ايمن بهجت
( انا جايلك و ناويها .. بظبط .. و قتيل عل باب بخبط )
لحن كوبليهات الكورس فكرتني بأغنية - واحده واحده
باقى اللحن كان جميل و رائع من يحي
البيز جيتار فى اخر الاغنية كان جميل جدا
و كان جميل من توما انه نهى الاغنية بيه

4- ( مش معقول )
توزيع جميل و لحن اجمل
التابلز المستخدمة كانت جميلة من توما
عجبني الجيتار و اضاف جو رومانسي على الاغنية
و دا المطلوب
كلمات الاغنية ممتازة من ايمن بهجت
تم توظيف الكمنجة بطريقتين
احدهما كمنجة مفعلة على الكيبورد
و الاخري كمنجة حيه
من وجهة نظري اللحن كان افضل حاجة
لأنه جسد الكلمات بطريقة جميلة
ثم الكلمات و بعد كده التوزيع

5- ( جت يا مجتش )
من افضل اغاني الالبوم من وجهة نظري
كلمات جديدة و جميلة و لحن و توزيع ولا اجمل
و خصوصا فى كوبليهات الكورس
عجبني التابلز اللي كان ماشي بطووووووووووووول الاغنية
من اولها لأخرها
و كان عامل زي مايكون طبلة مكتومه
و كان مشابه لنفس الصوت فى اغنية احلى حاجة فيكي
( سكتها صعبة - ولا ليها مسكة - ثبتها - دوس خد قرار )
افيهات جميلة من ايمن

6- ( قالوا فيكي )
من افضل اغاني الالبوم
عجبني تقطيع ميلودي الكيبورد و اللي كان ظاهر بعد صولوهات الجيتار
اللي فى بداية الاغنية
لحن جميل من يحي
كلمات جميلة من ايمن
الكمنجات كانت جميلة و ان كانت مألوفة من تميم
و استخدمها كتير قبل كده
البيز جيتار كان افضل الة فى الأغنية

( حاجتين نفسي اقول حاجتين ... كنت قبلك فين ... و النهاردة انا فين )
=
( يلا ان شاء الله اموت فى هواكي ان شاء الله .. دا كتير عليا الحب دا و الله ... حتمنى اكتر من كده ايه )
نفس فكرة التحول من ال Beat السريع و جعل اللحن اكتر هدوءا

7- ( انا لو أذيته )
شدني استخدام توما لتجسيد الاصوات
فى بداية الاغنية على الة الكيبورد
و فكرنا ب اغاني المطربين الاجانب القديمة
امثال Sandra
مع بداية ( 0:24 ) و وضوح ال Beat المستخدم
و مع ظهور الكمنجات
تشابهة المقطع هذا فقط مع La Reine De Saba
للموسيقار الفرنسي الشهير
Paul Mauriat
و ظل يتكرر فى الفواصل الموسيقية بين الكوبليهات
و اللي ميعرفش الموسيقار دا
يرجع يتفرج على الافلام بتاعتنا
فترة السبعينات او الثمانينات
اغلب مقطوعاته الموسيقية تم (( اقتباسها شكلا و موضوعا ))
اذن عادة الاقتباس عادة قديمة لدينا
بخلاف كده
التوزيع كان جديد و جميل من توما
ابدع ايمن فى تأليف الاغنية فعلا
الجيتار او الوتريات عموما كانت جميلة فى الاغنية

8- ( هانت )
الكمنجات فى البداية
كانت واخده استايل اغاني داليدا
توزيع مقسوم جميل من توما
و رامي عمل لحن جميل جدا
البيز جيتار المخفى فى الباك كان جميل جداااااا
مع انها كانت الأغنية الوحيدة ليه فى الالبوم
لكن كان موفق بدرجة كبيرة ( محمد عاطف )
اغنية جميلة فعلا

9- ( و افتكرت )
الصولو جيتار فى بداية الاغنية و بعض اجزاء اللحن
كان مشابه الى حد ما أغنية سهر الليالي
للأسطورة فيروز
بعد كده دخلت الكوردات مع عمر طنطاوي
اشهر واحد بيلعب جيتار فيكي يا جمهورية
بخلاف التشابه اللحن كان جميل
و الكلمات كانت رومانسية و معبرة لأقصى حد
جميع الكوبليهات كانت جميلة جدا
( و افتكرت لما جات عيني فى عينه .. سنيني معاه
و افتكرت وعد كان بيني و بينه .. زمان خدناه
و افتكرت مسكته فى ايدي .. و ايدي خلاص سيباه )
كوبلية جميل جدا
الفواصل الموسيقية كانت جميلة من تميم
الجيتار و البركشن و الكمنجات اضافت الكثير للموسيقى

10- ( هنا جنبي )
ال Beat ده انا سمعته قبل كده
خصوصا بداية ( 0:14 )
عشاق ال Hip Hop و ال Rap
ممكن يفيدونا
بخلاف ذلك التوزيع كان جميل من توما
و الاضافات اللي عملها كانت جميلة
خصوصا الجيتار
الكلمات جميلة و اللحن كذلك
التابلز اللي تم اضافتها كانت جميلة جدا
عجبني التقطيع اللي عمله توما فى التوزيع
اللي فى اخر جزء فى الاغنية
و التابلز اللي ضافها فى الاخر اللي عامله زي صوت الكومبيوتر
كانت جميلة

((> ضربات جزاء <))

1- >< لعنة الالبوم الناجح><
الفنان لما يعمل البوم و ( يدغدغ ) الدنيا بيبقى عليه حمل كبير
عشان يعمل البوم بعده ( يدغدغ ) الدنيا برضه
و اغلب الفنانين ( بيدغدغوا ) الدنيا فى البوم و الالبوم اللي بعده من غير ( دغدغه )
يمكن يكون السبب هوا المستمع اللي بيبقى عايز حاجة بنفس قوة الالبوم اللي قبله
و انا شايف انه صعب

* س/ اعرب مابين الاقواس

2- محمد عاطف و رامي جمال اتظلموا فى الالبوم
المفروض يكون ليهم مساحة اكبر فى الالبوم

3- افتقاد الالبوم لعنصر مهم
و يسمى العنصر ب عمر مصطفى ( من رائى مش لازم )

4- البوم جميل و يستحق الاستماع و حينافس

5- و انا بسمع ال Intro لقيت فى مقطع لأغنية Reggae
و مقطع لأغنية Blues
و توقعت انه حيكون فى اغاني ب القوالب الموسيقية دي
بس للأسف

6- التقييم العام 9.5 / 10

تحياتي

ميرسي بجد موضوعك
رائع وتحليل جميل

وبقى فين الناس ليش مابترد

عايزين حد يحمسنا كده

» البوم محمد حماقى ناويها 2008
» سر sony فى البوم حماقي
» حماقى ( ناويها ) ..جديد ومختلف برافو
» كلمات اغانى محمد حماقى 2010
» اغانى بكلمات مختلفة اللى عنده اغنية يكتبهالنا