بلمح الحب فى عيونك
وكلام كتير بين جفونك....
كلام طاير باحساسك
وهمس الشوق بأنفاسك....
نفسك بالحب تحسسنى
وفى الأمان تعيشنى....
ومن روحى تخطفنى
وجوا حضنك تسكًننى....
وقصر كبير تبنيلى
وبأغلى المعانى تهدينى....
وبرموشك تغطينى
ومن غدر الدنيا تحمينى....
وبلمح نظرة محتارة
وسؤال دايما بيندهنى....
تقرب ولا تنسانى؟؟
ياريته كان بامكانى
أرد وأقولك أنسانى؟؟
طب أعيد حساباتى من تانى؟؟
ياقلبى تعالى ريحنى
الدنيا عايزة تصالحنى....
أنا أسفة قلبى كان مجروح
لأ والأصح أقول مدبوح
تعب من كتر البكا والنوح
وقال مقدرش أكون مفتوح....
أصل الجروح أنواع وجرحى هو أصعبها....
ماهو لو من حبيب تتباع أيه يقدر يعالجها؟؟
مش هاحكى فى الى فات
ماعدتش تفيد الأااااهات
وبأيه تفيد الذكريات؟؟
ده الحب فى قلبى بسببه مات
خايفة أدى حد الأمان
وفلحظة ألاقيه باع وخان....
أعذرنى مأنا حلمى فمرة هان
على الى كان أغلى انسان....
وخايفة عليك كمان
من دنيا الحب فيها مالوش مكان
والجرح فيها هو الى فى الامكان....
دلوقتى تحب ايه؟؟
تكون حبيب أرمى همومى عليه؟؟
والصبر عنده ألاقيه؟؟
وللجرح ألاقى عنده علاج ليه؟؟
ولا تكون صديق؟؟
يساعدنى وقت الضيق؟؟
صديق فعلا صديق
على الدنيا أنت وأنا نكون فريق!!
موضوع: بلمح الحب......... 
الإثنين 19 يناير - 14:21