للمحجبات فقط

ايه رايكم نعمل مجلة للمحجبات

نقول فيها حاجات كتير تهمنا احنا المحجبات وساعات كمان غير المحجبات

يعنى مثلا

ازاى تختارى الطرحه؟؟ " قماشه ناعمه ولا لا..مشجره ولا ساده..غامقه ولا فاتحه........."

ازاى تختارى لبسك؟؟ "عايزاه شيك ؟..عايزه يرفعك؟..ولا يبينك اتخن؟.."

تعملى ايه فى فرق الشمس اللى بيبقى موجود من الحجاب؟؟

طيب وشعرك تتصرفى معاه ازاى تحت الحجاب علشان يبقى صحى؟؟؟؟

طيب يا ترى عايزه تشوفى الموديلات الجديده ؟؟؟

عايزه تلبسى لبس مناسب لدينك ومحتاره ازاى يبقى شيك ومميز؟؟؟؟

تعالو ورايا هقولكو كل اللى ييجى فى بالكو بس اشوف ردود جامده بقه ؟؟؟؟؟

يلا كفايه رغى وتعالو نبدا.............

....
..
.

تعالى الاول اقولك كلمتين مهمين فى ودنك

أغلب البنات النهارده محجبات وأصبح اهتمامهم بالحجاب يوازي أو يفوق اهتمامهم بشعرهم، وأصبح البديل للكوافير والبحث عن قصة جديدة أو لون مختلف هو لف الطرحة بألوان زاهية على آخر موضة.. أشكال ربطات على هيئة تسريحة شعر "ضفيرة وكحكة"، وأما الأقمشة (دي فيها كلام كتير) "تل" و"شيفون" "وترتر"، الصبح والضهر وفي كل وقت...

المعادلة الصعبة في كل الحاجات دي ازاي أكون محجبة أحترم "حجابي" وفي نفس الوقت شكلي حلو "ستايل" على الموضة ومش "مبهرج" ولافت للنظر لدرجة تثير انتقاد الآخرين..


...ألوان الموضة في الإيشاربات لصيف 2008...

لون الطرحة حسب لون اللبس ولكن اللون الاصفر والاخضر هم الأساس السنة دي وبيدخل معاهم البرتقالي و البتنجانى , الزيتي بدرجاته, الاصفر لوحده او الاصفر مع لون تانى موضة جداً واستخدام الألوان الجديدة وتداخلها بيعطي نتيجة حلوه جداً..


ازاي تختاري خامة أو قماش الإيشارب صح؟

نوع القماش أو خامة الإيشارب تعتمد على نوع اللبس، كمان فيه أنواع من الأقمشة من المفضل نتجنبها حتى لو عجبك لونها أو تطريزها أو نقشتها.. من الأقمشة المزعجة في لبس الحجاب "الأوراجنزا الهايشة".. ابعدي عن الأقمشة "الناشفة" لأنها صعبة في الربط، خلي عنيكِِ على نوعية الأقمشة الناعمة والأقطان، الحرير، الحرير على قطن، الشيفونات بأنواعها كلها خامات حلوة جداً ومناسبة وعملية والتل كمان... بأكد إن الإيشارب مهم إنه يكون عملي في اللف، ممكن الإيشارب يكون غالي ووحش في ربطته وبعد شوية هتكرهي الإيشارب وهتركنيه على جنب بعد ما غرمتي ثمنه. بس ممكن لو فى مناسبه تستخدمى القماشه الهايشه علشان تساعدك فى الاسبانش بس معاها طرحه اخرى ناعمه علشان متضايقكيش فى ربطتها


نوعية القماش المناسبة والعملية للبنت في الجامعة عشان يكون حجابها مريح وفي نفس الوقت شكلها مش مبهدل؟

تختار الأقطان والشيفونات المطفية "بدون لمعة".. الأقمشة دي بتستحمل جداً الحركة طول النهار، فالأقطان فيها ألوان كثيرة وأشكالها حلوة جداً، والقطن على حرير فيه تطريز خفيف حلو كمان وموضة جداً يكون في طرف الإيشارب تطريز أو ترتر بس المهم يكون "Simple" جداً.. عشان الجامعة ممكن تختار الإيشاربات الأقطان المخططة أو المنقوشة، فيه مساحة تنوع النهارده وألوان ينفع تدخل مع بعض تدي شكل جديد في كل مرة.

مساحة التطريز المقبولة في الصبح وخاصة إنها موضة جداً، وأغلب الإيشاربات فيها تطريز بأشكال مختلفة؟

مافيش حاجة محددة... فيه حاجات مطرزة لكن ممكن تناسب الصبح ونصيحتي لو الإيشارب فيه تطريز خلي هدومك "Simple" جداً على قد ما تقدري.
...
..
.
هنكمل النصائح بكره تعالى معايا نشوف الباقى

...كملى جمالك بربطة حجابك....
[ندعوك للتسجيل في المنتدى أو التعريف بنفسك لمعاينة هذا الرابط]

تعالى ورايا بسرعه اوريكى كام موديل للمحجبات


[ندعوك للتسجيل في المنتدى أو التعريف بنفسك لمعاينة هذا الرابط]

يـــــــــــــــــــــــــــارب يكون الموضوع عجبكم